Umuna a P25,000 ti pakabuklan a sueldo kada bulan, naisingasing a saan a mapatawan iti buwis

Idurduron da Manila 2^nd District Rep. Rolando Valeriano ken ni Ako Bicol Partylist Rep. Alfredo Garbin a maingato iti P300,000 manipud iti agdama a P250,000 ti pakabuklan a sueldo iti intero a tawen a saan a mapatawan iti buwis.

Aggatad daytoy iti P25,000 manipud iti agdama a P20,833.33 a tax free salary iti kada bulan.

No matungpal ket manayonan iti P4,000 ti take home pay dagiti gagangay a mangmangged iti pagilian.

Tapno masupusupan ti maikissay a pastrek ti gobierno ket insingasing ni Valeriano nga ingato ti buwis para kadagiti dakdakkel ti pastrekna.