Posible a saan a naala iti umuna a kaso ti hantavirus ti sakit bayat nga adda iti cruise ship nga MV Hondius kas pinasingkedan ti maysa nga eksperto manipod World Health Organization (WHO).
Segun ken ni Anais Legand a technical export on viral hemorrhagic fevers iti WHO, ti incubation period iti sakit wenno panawen manipod na-impeksyon ken iti panagruar dagiti sintomas ket adda iti nagbaetan iti maysa ken innem a lawas.
Ti kaso ti 70 year old Dutch national passenger a maysa kadagiti walo a kumpirmado ken mapagduduaan iti kaso ti hantavirus, nga immuna a nagsakit, ket nangrugi a nakitaan dagiti sintomas kas iti gurigor, panagsakit iti ulo ken mild diarrhea idi April 6 ken nakarikna iti respiratory distress idi April 11 ken natay bayat nga adda iti barko iti isu met la nga aldaw.
Isu a mapapati nga iti umuna a kaso ket saan a na-impeksyon iti barko wenno maysa kadagiti isla nga agturong iti Cape Verde.
Ti nasao a Dutch national ket nalawag a naaddaan iti exposure a konektado iti rodent wenno bago sakbay pay a naglugan iti barko.
Kabayatanna, agturongen ti barko iti Canary Island idiay Spain kalpasan iti tallo nga aldaw a panagtalinaedna iti asideg iti Cape Verde manipod idi Domingo.
