--Ads--
Inwaragawag ti Philippine Coast Guard ti pannakainagan ni Captain Noemie Guirao-Cayabyab kas umuna a babai nga spokesperson.
Segun iti PCG, mangrugi inton Domingo, idaulwan ni Cayabyab ti komunikasyon kadagiti key initiative ti PCG, ibagina ti organisasyon iti national ken global conversations, ken papigsaen ti tignayda para iti nasaysayaat a masangwanan.
Impaganetget met ti PCG ti karida a mangpasayaat iti gender equality ken panangipangato ti akem dagiti babbai iti organisasyon.
Ni Cayabyab manipud Romblon ket miembro ti Coast Guard Officers’ Course Sandiwa Class 07-05 ket agserserbi ita a Deputy Chief of Coast Guard Staff for Education and Training.
-- ADVERTISEMENT --
