Impakaammo ti Philippine Coast Guard (PCG) ti pormal a panagsapata ni Rear Admiral Mitzel Silva-Campo a kaunaan a babai nga immabot iti ranggo iti two-star general iti PCG.
Ni Silva-Campo ket umuna a nagturpos iti Coast Guard Officers Course Class-1 Charlie “Makagitaw” a nakaala ti one-star general dagiti Coast Guard general line officers idi October 2021.
Sakbay ti appointment-na ket nagserbi a kaunaan a babai nga Inspector General – Internal Affairs Service, Coast Guard Adjutant, Commander iti Coast Guard Doctrine, Development and Research Command.
Nagturpos isuna iti Juris Doctor degree iti Cor Jesu College idiay Digos City ken naalana ti Master of Science iti Maritime Affairs iti Maritime Law and Policy manipod World Maritime University idiay Malmo Sweden idi 2009.
