Impakaammo ni Cardinal Pablo Virgilio David ti opisyal a listaan ti 2025 General Appropriations Act (GAA) a mangipakpakita iti kadakkel ti pondo nga inlatang dagiti agpampanday linteg iti pagilian.
Segun ken ni David, tunggal senador ket adda tinawen a budget a P580.42 million a no maiwaras iti 24 a senador ket umabot iti P13.93 billion para idiay Senado iti uneg iti makatawen a katukad ti nasurok-kumurang P48.37 million kada bulan wenno P1.61 million kada aldaw tunggal senador.
Kabayatanna, tunggal kongresista ket adda nakalatang a P106.53 million kada tawen.
316 iti miembro iti Kamara ket umanot dayta iti P33.67 bilion para iti House of Representatives a katukad iti P8.88 million kada bulan wenno P292,598 kada aldaw iti tunggal kongresista.
Iti pakabuklan ket umabot iti P47.6 billion ti opisyal a budget para iti lehislatura idi 2025.
Kinuna ni David a saan pay a karaman dayta ti naawagan a commissions wenno kickbacks manipod kadagiti proyekto, kasta payen dagiti pondo manipod iti unprogrammed appropriations ken patronage funs a dumaldalan kadagiti ayuda programs kas iti MAIFIP, TUPAD, AICS ken AKAP.
