--Ads--

Uppat a gasut nga agad-adal manipod Alternative Learning System (ALS) ti naipaayan ti micro-certificates iti salinong ti pioneer Micro-Certification Program ti Department of Education (DepEd) kadua ti UNICEF Philippines.

Segun ti DepEd, gagem ti programa a mabigbig dagiti life skills iti ALS learners babaen ti micro-certification, pakairamanan ti komunikasion, panangidaulo, panagtitinnulong ken problem-solving.

Maibasar dayta iti Alternative Learning System Act ken ti Philippine Qualifications Framework (PQF) a mangmangted ti pormal a credential para kadagiti kangrunaan nga skill kadagiti out-of-school youth ken adult learners.

Kinuna ti ahensya a babaen ti panangipaay ti formal credentials para kadagiti essential skills, gagem ti DepEd a pasayaaten ti dalan dagiti agad-adal iti edukasion, employment ken lifelong learning.

-- ADVERTISEMENT --

Pinasingkedan ni Education Secretary Sonny Angara a pammaneknek dagiti uppat a gasut a completers ti dedikasyonda iti agtultuloy a pannakasursuroda.