Duapulo ket siam a barko ti China iti dimmalan ti agduduma a paset iti West Philippine Sea idi napan a bulan kas pinasingkedan ti Philippine Navy.
Namonitor ti Armed Forces of the Philippines ti sangapulo ket lima a Chinese Coast Guard vessels ken sangapulo ket uppat a People’s Liberation Army Navy vessels a dimmalyasat iti bisinidad ti Bajo de Masinloc, Sabina Shoal, Julian Felipe Reef ken Iroquois (Iro-kua) Reef.
Segun ken ni Philippine Navy Spokesperson for West Philippine Sea, Rear Admiral Roy Vincent Trinidad, saan met nga stationary dagiti nasao a Chinese vessels.
Kabayatanna, pinasingkedan ti navy a 13,874 vessels iti namonitor a dimmalan iti pagilian manipod October 1 agingga 31.
Ti nasao a bilang ket 11,097 ti foreign vessels idinto a 2,777 ti domestic vessels.
