--Ads--

VIGAN CITY – Nalmes ti maysa nga ubing a ni Raymund Icari, agtawen ti lima ken agnaed idiay Brgy Sarsaracat, Magsingal kabayatan iti panagdigos na iti swimming pool idiay Tapao Mountain Resort, Barangay Camanggaan, San Juan.

Segun kenni Police Executive Master Sergeant Richard Palpallatoc ti San Juan Municipal Police Station, napan iti nasao a resort ti biktima kadua ti pamilia ken dadduma a kakabagyanda ket idi agawid dan, isu laeng iti pannakadlaw da nga awan gayam iti abay da ti biktima agingga a nasarakan da iti uneg ti swimming pool nga aguneg ti pito a kadapan.

Naitaray idiay Pira Hospital, Cabugao ti biktima ngem naideklerar a dead on arrival.

Agsipud iti dayta, inbalakad ni Palpallatoc kadagiti nagannak a bantayanda a naimbag dagiti annak da nu mapan da agpipicnic kadagiti swimming pool wennu baybay tapnu saan da a maisagmak.

RELATED ARTICLESMORE FROM AUTHOR