Temporaryo nga insarra ti United Arab Emirates (UAE) ti airspace-da bayat a ti military-da ket agin-intercept kadagiti sumangsangbay a missile ken drone attack manipod idiay Iran.
Segun ti General Civil Aviation Authority iti UAE, naaramid iti addang kas exceptional precautionary measure para iti kinatalged dagiti pasahero ken piloto ken tapno salakniban ti teritoryo iti pagilian.
Ti pangngeddeng ket kasaruno iti maysa nga Iranian drone attack idi kalman a nangpabettak iti maysa a fuel tank iti Dubai International Airport a maibilang a kapatgan nga airport iti intero a lubong.
Kagiddan ti rinnupak idiay Middle East ket inkarkaru iti Israel ti panagbomba kadagiti Iran-backed militants idiay Lebanon a nagbalesan iti Iran babaen kadagiti drone ken missile strikes a nakaapektar iti dadduma a pagilian iti Gulf region.
Malaksid dayta ket kimmaru pay ti amak ti global energy crisis gapu iti pananglapped ti Iran iti Strait of Hormuz a maysa a napateg a ruta iti 1/5 iti langis iti lubong.
