VIGAN CITY – Pinasingkedan ni Provincial Tourism Officer Ryan Astom nga agsasarunon a request ti maaw-awatda manipud kadagiti turista a mangayat a sumrek ti probinsia kagiddan iti panangpalukay iti restriksyon kadagiti agbiahe.
Iti pannakiuman ti Bombo Radyo Vigan kenni Astom, idi paylaeng nobyembre singko ti agdama a tawen a nangrugida nga impalubos a makastrek dagiti nasurok pito gasut a turista ti probinsya.
Malaksid iti dayta, innayonna a siam a pulo ket dua nga hotel ken transients ti accredited a mang-accommodate kadagiti turista isua kabaelan ti probinsia a mangakomodar ti 1,200 a turista iti inaldaw.
Nupay kasta, innayona nga adon dagiti hotel ken transients a mangayat nga aglukat manen isunga ado kadakuada ti makaalan ti Department of Tourism accreditation.
Innayon ni Astom nga iti kinamayat iti pagannurutan iti agdama ta kontrolado’da ti bilang dagiti nga umay agpasyar ken naurnos iti pagtalinaedanda.
