Itultuloy ti Department of Tourism (DOT) iti amin a nakaituding nga aktibidad idiay Cebu a mangpaneknek nga agtaltalinaed a natalged ken silulukat para kadagiti bisita kasaruno ti magnitude 6.9 a ginggined idi September ken nagsasaruno nga aftershocks.
Impaganetget ni Tourism Secretary Christina Garcia Frasco a dagiti operasion iti turismo iti intero a Cebu ken rehiyon iti Central Visayas ket agtultuloy ta kaadduan a pampubliko a lugar, heritage sites ken dagiti pasilidad iti pagtaengan ket maad-adalen ken indeklarar dagiti otoridad a nasayaat ti istraktura.
Kalpasan iti ginggined idi September 30 idiay Bogo City, Cebu ket insayangkat ti DOT babaen ti Regional Office VII ti multiple post-disaster inspeksyons ken coordinated meetings kadua ti Department of Social Welfare and Development (DSWD), Department of Trade and Industry (DTI), Small Business Corporation (SB Corp), ken Technical Education and Skills Development Authority (TESDA), kasta payen ti lokal a gobierno tapno ipatungpal iti insigida a tulong ken recovery programs.
Amin a 2,062 nga apektado a tourism workers ket nakaawat ti food allowance nga adda nayonna nga emergency cash transfer ken livelihood training programs nga itan ket maiproproseson iti pannakitinnulong iti national agencies.
