VIGAN CITY- Libren iti matrikula dagiti medical students kadagiti walo nga State Universities and Colleges kas iti University of Northern Philippines, Mariano Marcos State University. Cagayan State University, Bicol University, West Visayas State University, University of the Philippines-Leyte, Mindanao State University ken University of the Philippines-Manila .
Daytoy ket kas maibasar naiparuar a joint memorandum circular ti Commission on Higher Education (CHED) ken Department of Budget and Management (DBM).
Segun kenni CHED commissioner Prospero “Popoy” De Vera, PHP317.1 milyon iti naiyalokar a pondo para iti nasao a programa ket PHP40 milyon iti naited a pondo kadagiti walo nga unibersidad ken kolehiyo para iti School Year 2017-2018.
Dagiti estudyante a regular ken pasado amin a grado na iti kwalipikado nga agpplikar ngem daytoy ket adda iti kasukat na.
No mano a tawen a nagbalin a benepisyaryo iti maysa nga scholar iti nasao a programa ket isu met iti tawen a panagserbi na iti pagilian kas panagsubad na.
Iti nasao a programa ket paset iti addang ti gobierno tapno masolbar iti kinakurang ti doctor iti pagilian .
