Nagpanawagan ti Trade Union Congress of the Philippines iti Senado ken Kamara a mangisayangkat iti special session tapno maipasa ti gakat a nayon a P200 iti daily minimum wage ken ti P5,00 a binulan a subsidy.
Segun ken ni House Deputy Speaker ken TUCP Partylist Rep. Raymond Democrito Mendoza, mabalin nga ilatang ti Kongreso ti paset ti contingency ken calamity funds iti salinong ti 2026 national budget kasta payen ti savings manipud iti napasimple nga ASEAN hosting tapno makaited iti P5,000 a wage subsidy kadagiti 5 milion a minimum wage earner.
Innayon ni Mendoza a ti P1,500 a monthly wage subsidy ket saan nga umdas ken rumrummuar a P50 laeng kada aldaw.
Malaksid dayta, dinakamatna pay a ti makidkiddaw a wage subsidy ket kabayatan a saan pay a nagbalin a linteg ti makidkiddaw a P200 a panagpangato iti inaldaw a minimum wage iti baet ti nangina a presio ti produkto-petrolyo a mangpangpangina kadagiti magatang.
