Nagballaag ni US Pres. Donald Trump a bombaenna ti Oman ta saan a maragsakan iti pannakitulagda iti pagilian iti Iran maipanggep iti panangidaulo iti Strait of Hormuz.
Segun ti regional officials, indanon ti Trump administration ti panaglappedda iti Oman iti sumagmamano a paset ti tulagan a nakaituding pay laeng nga ipakaammo pakairamanan ti agtipon a puersa ti panangidaulo ti Iran ken Oman iti ruta a rumuar iti Strait a kritikal para iti global supply iti langis ken natural gas.
Patien ti gobierno ni Trump a nasingpet wenno nalamuyot unay iti Oman iti pannakilangen iti Iran.
Saan pay a nagustoan ti Amerika ti plano ti Oman nga agkolekta iti boluntaryo a bayad wenno fees manipod kadagiti barko a dumaldalan iti Strait of Hormuz, uray no para iti kinatalged dayta.
Nagballaag ni Trump iti Oman kagiddan ti pannakitinnulongda iti Iran tapno maluktan ti Strait ken ikkan dalan ti agtultuloy a negosasyon iti nagbaetan iti US ken Iran tapno maleppasen iti rinnupak.
