--Ads--
Impakaammo ni US Pres. Donald Trump a dagiti import manipod kadagiti pagilian a mangmangted ti military weapons idiay Iran ket patawanda iti 50% a taripa nga awan iti exception-na.
Segun ken ni Trump, ti pagilian a mangsupsuplay iti military weapons iti Iran ket insigida a mapatawan ti taripa, amin a goods a mailako iti US.
Impakaammo dayta ni Trump mano laeng nga oras kalpasan ti tulagan a dua a lawas a ceasefire idiay Tehran.
Saan nga imbaga ni Trump no ania a legal authority ti aramatenna tapno ipatungpal ti taripa kalpasan nga ikkaten ti Supreme Court of the United States idi Pebrero ti panagaramatna iti International Emergency Economic Powers Act (IEEPA) tapno agpataw iti nakaru a global tariffs.
-- ADVERTISEMENT --
