Imbabawi ni US Pres. Donald Trump ti pangtana nga ipataw ti 20% reimbursement fee kadagiti kargamento dagiti barko a dumaldalan iti Strait of Hormuz.
Dayta ket awan pay iti duapulo ket uppat nga oras kalpasan iti immunan a naisingasing idi Hulyo 13.
Imbes a masingir dagiti barko iti 20% fee, kinuna ni Trump a masukatan dayta iti trade deal ken panagpuonan manipod iti agduduma a Gulf States agturong idiay United States.
Inaramid pay ti US President ti panagatras iti nasao a gakat kalpasan a nangibingay iti nakaru a danag kadagiti pagilian iti Gulf Cooperation Council (GCC).
Agkaykaysa dagiti nasao a pagilian a saan a rumbeng a patawen ti toll wenno singir kadagiti barko a dumaldalan iti istratehiko a lugar.
Insigida pay a kimmontra ti International Maritime Organization (IMO) iti United Nations ket kinunada nga awan ti legal a pagbasaran iti salinong ti international law iti panagpataw kadagiti mandatory a singir wenno toll iti strait a maar-aramat para iti panagdalyasat.
