Nagballaag ni Senador Antonio Trillanes IV a mangipila iti baro a kaso kontra ken ni Atty. Levito Baligod, abogado dagiti 18 a Maleta Boys no saan a maikkat ti maysa a Facebook post nga inawaganna iti “fake news”.
Iti nasao a post, kwinestion ni Baligod ti panangibaga ni Trillanes a kumpiansa isuna a maysa a miembro ti bumaliktad ken mangaklun nga aramidda laeng dagiti pammabasul kenkuana mainaig iti maleta ti kuarta iti flood control project.
Karaman pay iti post ti screenshot ti mapapati a chat conversation nga adda naidiaya a gatad kasukat ti pannakaisanud ti kaso ken panagulimek iti isyu.
Maipalagip a nangipila ni Trillanes iti kaso a perjury kontra ken ni Baligod, dagiti 18 a Maleta Boys, ken dadduma pay a personalidad a nangpabasul kenkuana nga immawat iti $2 million para kadagiti imbestigador ti International Criminal Court.
