Mangipila ti kaso a cyber-libel ni dati a senador Antonio Trillanes IV kontra kadagiti sumagmamano a personalidad ken dati a suldado nga agiwarwaras ti maipagarup a saan a pudno nga impormasion nga immawat isuna ti pasuksok a $2 milyon tapno itandudo ti imbestigasion ti International Criminal Court.
Binabalaw ti dati nga agpampanday linteg dagiti pammabasol a maipagarup a naggapu ti pondo ken ni dati nga Ako Bicol Partylist Representative Zaldy Co tapno pondoan ti panagimbistigar ken ni dati a Presidente Rodrigo Duterte.
Dinakamat ni Trillanes dagiti kasoan na a pakairamanan da Levi Baligod, Mike Defensor, ken, Jay Sonza.
Impaganegtget ti dati a senador a dagituy a klase ti panangdadael ket maysa a nalawag nga addang tapno dadaelen ti kredibilidad ti agtultuloy a panagimbistigar ti ICC.
