VIGAN CITY- Saan a panagkinnaawatan gapu iti nakaro a kinabartek ti rason no apay a binagkong ni Edward Tagura, agtawen ti 45, ken taga Velasco, Tayum, Abra ti pada na a tricycle driver a ni Albino Padagas, agtawen ti 39 idiay Sitio Palpal, Barangay Basbasa, Tayum.
Maibasar iti report, agur-uray iti waiting shed ti biktima kadwa na ti potot ken kaanakan na idi sinardengan ida ti suspek nga idi ket nakalugan ti motorsiklo sa na kinomprontar ti biktima ket dinamag na no apay nga agsubli-subli.
Kalpasan iti dayta ket binagsol ti suspek ti tyan ti biktima isu a naitaray idiay Seares Hospital ngem naiyakar idiay Abra Provincial Hospital idinto a ti suspek ket naglibas ngem na-corner dagiti otoridad idiay Barangay Velasco iti nasao nga ili.
