Posible nga inton sumaruno a tawen a mangrugi ti trial proper para ken ni dati a President Rodrigo Duterte a sumangsango ti kaso a crimes against humanity iti International Criminal Court (ICC).
Segun ken ni ICC-accredited lawyer Gilbert Andres, numan pay adu iti interesado nga insigida a mangrugi iti proceedings kontra ti dati a presidente, kasapulan a masurot ti due process para kenkuana.
Umuna a rumbeng a mapaneknekan ti prosecution nga adda umanay a rason tapno mangrugi ti trial kontra ti dati a presidente.
Nakaituding ti confirmation of charges hearing kontra ken ni Duterte inton September 23 ket isu iti manamnama a panangipresentar ti prosecution panel iti dua a testigo kadua iti dadduma pay nga ebidensya a naala tapno mapadagsen ti kiddawda a rumbeng a maidalan ti proceedings ti nakaibalud a dati nga opisyal.
Kalpasan iti September 23 hearing, maikkan iti dua pay a bulan ti Pre-Trial Chamber tapno maadal dagiti maipresentar nga ebidensya agingga mangiruar iti resolution nu maituloy ti proceesings wenno acquitted ti dati a presidente.
Nu maituloy iti trial ket posible a ti bulan ti Enero ken Pebrero inton sumaruno a tawen wenno umuna a paset iti 2026 a mangrugi iti trial.
