Maisayangkat ti “Tree Growing for a Cause” inton Martes, September 17, 2024 idiay Barangay Daligan, Sta. Cruz, Ilocos Sur kas panangrambak iti 124th Philippine Civil Service Anniversary.
Iti pannaki-uman ti Bombo Radyo Vigan ken ni Marina Garcia, Provincial Director ti CSC Ilocos Sur Field Office, silulukat ti aktibidad para kadagiti amin nga empleyado ti gobierno wenno pribado ken adda mabayadan a PHP250 registration fee.
Ti maur-or a pondo ket mausar para iti Pamanang Lingkod Bayani Program, maysa a programa a mangpadayaw kadagiti mangmangged ti gobierno a natay kabayatan iti inda panagtrabaho babaen ti pannakaipaay iti one-time scholarship ken financial assistance kadagiti kameng ti pamiliada.
Malaksid pay dayta, kabinnulig ti CSC ti Department of Environment and Natural Resources para iti kalikagum iti nasao nga aktibidad a ti gagemna pay ket magun-od ti greener environment.
Iti agdama, adda dua gasut a participants ti nagparehistro ken manamnama nga umadu pay ti bilangda.
