--Ads--
Saan pay laeng a nagkomento ni Senate President Tito Sotto iti kinuna ti Office of the Ombudsman a kiddawenna iti Senado nga ipatungpal ti 2016 dismissal order kontra ken ni Senador Joel Villanueva.
Mapapati nga urayen pay ni Sotto ti official communication manipud iti Ombudsman a nakaituding a personal a mangipatulod iti surat inton October 24.
Immunan a pinasingkedan ni Ombudsman Boying Remulla ti kiddaw a panangipatungpal ti nasao a desison nga idi 2016 pay laeng nga inruar ni Ombudsman Conchita Carpio-Morales.
Mainaig daytoy iti mapapati a panangaramat ti Priority Development Assistance Fund ni Villanueva idi karaman pay laeng iti CIBAC partylist.
-- ADVERTISEMENT --
