Patien ni ni ACT Teachers Partylist Rep. Antonio Tinio a posible latta a mawaswas ti impeachment complaint kontra ken ni Vice President Sara Duterte no kanayon ti pannakibiang ti Korte Suprema.
Iti pannaki-uman ti Bombo Radyo Vigan ken ni Tinio, paset iti panagbalin nga independent ken co-equal branch ti gobierno ti kongreso a takderan ti bukodda a pagannurota ken paneknekan nga isuda laeng ti adda turayna a mangibaga no mayat-ataday met laeng ti proseso iti House rules ta no mabutengda nga agtignay amangan ta kwestyonaren ida ti Korte Suprema ket sigurado nga awan ti mapasamak.
Mamati ti kongresista a no kanayon laeng ti pannakibiang ti Korte Suprema ken pannakawaswas ti reklamo kontra iti bise presidente ket maabakan dagiti umili ta ti impeachment ti kangrunaan a wagas tapno madusa dagiti impeachable official.
Maipalagip nga idi kallabes ket indeklarar ti Korte Suprema nga ‘unconstitutional’ ti impeachment case a naipila kontra iti bise presidente gapu iti mapapati a pannakalabsing ti constitutional bar a mangiparit iti pannakaipila ti nasursurok ngem iti maysa nga impeachment kontra iti isu met laeng nga opisial iti uneg ti maysa a tawen.
