Indauluan da President Ferdinand Marcos Jr. ken ni First Lady Liza Araneta Marcos iti Malakanyang ti tradisyunal a Vin D’Honneur wenno Wine of Toast kasaruno ti panagrambak ti Independence Day.
Ti Vin D’Honneur ket tradisyunal a panagsasango babaen ti panangidaulo ti presidente tunggal baro a tawen ken Independence Day tapno maaddaan ti casual a panagpatang wenno pannakisarita kadagiti naimbitaran.
Adda iti event dagiti agduduma a nangato nga opisyal iti gobierno, dadduma a kameng ti Kongreso, Hudikatura, ken Diplomatic Corps ken private sector.
Ti nasao nga event ket napasamak ti panag-toast ti arak ti presidente kagiddan ti panagmensahena iti Independence Day.
Segun ken ni President Marcos, adayon ti nadanon ti Pilipinas iti panangbigbig iti lubong manipod nagun-od iti demokrasya.
Manipod ti tulong ti diplomatic corps ket naala iti pagilian ti suportar iti international community ti national development agenda.
