Testing kits ditoy Region 1, agkurang

VIGAN CITY –Saan a ditoy rehiyon iti direkta a naka-alaan dagiti tallo a persons under investigation ti coronavirus disease 2019.

Dayta iti pinasingkedan ni Dr. Valeriano Lopez, regional director ti Department of Health- Region 1 iti interview kenkuana ti Bombo Radyo Vigan.

Segun ken ni Lopez, dagiti PUI idiay Pangasinan ken La Union ket adda travel history da kadagiti pagilian nga apektado ti COVID – 19 ken adda dagiti nakapulapol da nga apektado iti nasao a sakit.

Malaksid iti dayta, dagiti naapektaran ket agpapada a middle age group ken ti PUI idiay Pangasinan ket adda iti sabali a sakit na.

Kabayatanna, inlawlawag ni Lopez a dagiti pay laeng PUM nga adda nakaro a sintomas na iti nasao a sakit iti idaldalan da ti naan-anay a panagadal agsipud ta limitado dagiti testing kit nga usaren da.

Agsipud ta umad-adu dagiti PUM ditoy Region 1, ipaima pay laeng ti DOH-1 kadagiti local government units iti panangmonitor kadakuada nu la ketdi awan iti nakaro a sintomas da.