VIGAN CITY – Pakabuklan a siyam a pulo ket lima a medalya iti naalan ti Team Philippines iti maikapat nga aldaw ti 30th Southeast Asian Games ditoy pagilian.
Maibasar iti partial and unofficial medal tally ti Bombo Radyo Philippines kas maysa kadagiti official media partner ti SEA Games 2019, uppat a pulo ket pito a balitok a medalya; tallo pulo ket maysa a silver ken sangapulo ket piton a bronze medal iti naalan dagiti atleta ti Team Philippines iti agtultuloy a regional biennial meet.
Maikadua iti listaan ti Vietnam a nakaala ti pito pulo ket siyam a medalya – dua pulo ket tallo a balitok, dua pulo ket pito a silver ken dua pulo ket lima a bronze medal.
Ti Malaysia nga isu ti over-all champion idi 2017 SEA Games ket adda iti maikatlo a puwesto a nakaala iti pakabuklan a tallo pulo ket pito a medalya – sangapulo ket walo a balitok a medalya, lima a silver ken sangapulo ket uppat a bronze medal.
Kabayatanna, ti Timor Leste ket isu pay laeng iti maudi iti nasao a medal tally agsipud ta awan pay a pulos iti medalya nga inabak da.
