Nagpanawagan ti Teacher’s Dignity Coalition iti Department of Education a mangnayon kadagiti gwardya ken non-teaching personnel kadagiti pagadalan tapno masigurado ti kinatalged dagiti estudiante.
Kasaruno dayta ti napasamak a pammaltog iti uneg ti San Jose National High School iti Tacloban City a nakaalarmaan iti emotional ken psychological well-being dagiti estudiante, mangisursuro, ken dadduma pay a personnel dagiti pagadalan a nakaimatang iti pasamak.
Gapu dayta ket kasapulan a maikkan iti dagus a psychosocial intervention ken counseling.
Nagpanawagan pay ti grupo iti DepEd a papigsaenda ti seguridad iti pagadalan ken student support system, kas ti panangpapigsa iti guidance ken counseling programs, ken panangbukel kadagiti makatao a discipline facility.
