Inaprubaran ti House Committee on Ways and Means, babaen iti panangimaton ni Marikina Representative Romero Quimbo, ti tax and revenue provisions ti sumagmamano nga unnumbered substitute bills, pakairamanan ti napapateg a singasing iti Legislative-Executive Development Advisory Council (LEDAC) priority list.
Inaprubaran ti nasao a Komite ti dagiti tax and revenue provision nga awan amyenda kadagiti revenue provision ti singasing a mangitandudo ti National Framework for Water Resource Management (NFWRM) ken mangbukel iti Department of Water Resources ken Water Regulatory Commission.
Segun ken ni Aklan Representative Jesus Marquez, gagem ti singasing a siguradoen ti natalged, manamnama, ket affordable a suplay tiu danum, ken taripatoen ti seguridad ti danum kas maysa a nasional a prioridad. Augie Arellano
