--Ads--
Nadunor dagiti nagkalubbon iti motorsiklo gapu iti aksidente a napasamak iti national highway ti Barangay San Rafael, San Esteban, Ilocos Sur.
Dagiti nagkalubbon ket pakairamanan ti maysa a lalaki ken babai nga agpada nga agtawen iti uppat a pulo ket lima ken agnaed iti Dasmariñas City, Cavite.
Maibasar iti CCTV footage, agpapa-amianan ti motorsiklo idi bigla a napan iti shoulder lane ken naidungpar iti naka-park a motorsiklo iti sangwanan ti motor shop ket kalpasanna, naidarusdos iti kanal.
Segun iti drayber, nagdungsa iti dayta a kanito isu a saanna a nakontrol ti manibela ti minanehona a motorsiklo.
-- ADVERTISEMENT --
Agpada a naipaagas iti ospital dagiti nagkalubbon para iti naan-anay a pannakatamingda.
