Dimmalanen iti preliminary investigation dagiti tallo iti uppat a suspek iti panang-patay ken ni PSMS Diane Marie Mollenido ken ti anak na nga agtawen ti walo a ni John Ysmael Mollenido para kadagiti kaso a two counts ot robbery with homicide ken theft idiay Quezon City Prosecutor’s Office.
Karaman kadagiti suspek a nakipaset iti imbestigasion ket dagiti primary suspect a da Christian ken Pia Panganiban ken ni Gil Dy Jr.
Ti met kabsat ni Christian a ni Maribel Panganiban a simmuko kadagiti otoridad ket naikeddeng a sumango iti imbestigasion kalpasan a nasimpan ti dokumento-na.
Kalaksidan daytoy, agtultuloy met ti imbestigasion dagiti pannakabagi ti linteg ti pannakairaman wenno partisipasion ti asawa ti biktima a ni PMS John Mollenido nga agdama nga adda iti salinong ti protective custody tapno dumalan iti imbestigasion ken dadduma pay a proseso.
Kabayatanna, immunan nga inyanunsio ni Department of Interior and Local Government (DILG) Sec. Juanito Victor “Jonvic” Remulla a case closed ti kaso kalpasan a natiliw aminen dagiti suspek iti kaso.
