--Ads--
Tallo ti natay gapu iti pannakalmesda iti kinapegges ti danum gapu ti Low Pressure Area ken Habagat iti paset ti Mindanao.
Maibasar iti National Disaster Risk Reduction and Management Council, dagiti biktima ket agpapada a taga-Barangay Camuayan, Balingasag, Misamis Oriental.
Umabot met iti 5,156 a pamilia wenno katukad iti 17,516 nga indibidual manipud Region 3,7,9,10,11,12 ken BARMM ti apektado iti madi a paniempo.
Mapatta-patta a 1,000 a tattao wenno nasurok kumurang 200 a pamilia ti kimmamang kadagiti evacuation center.
-- ADVERTISEMENT --
Agtultuloy met ti pannakaipatulod ti tulong kadagiti nabagyo ken nakatutok ti lokal a gobierno ken dagiti ahensia iti panangipaay ti relief goods ken dadduma pay a kangrunaan a kasapulan.
