Nadunor dagiti tallo a nagkalubbon iti motorsiklo gapu iti aksidente a napasamak idiay Cervantes – Mankayan Road, Sitio Camay, Barangay Comillas South, Cervantes, Ilocos Sur.
Ti nagmaneho iti motorsiklo ket ni Mark Christian Barredo Ligsay, agtawen iti duapulo ket pito, kinalubbonna da Zyra Gado Boghog, agtawen iti duapulo ket walo ken ti maysa nga ubing nga agtawen iti walo, agpapada a taga-Buyacaoan, Buguias, Benguet.
Nabigbig met ti nagmaneho iti trak a ni Rhendel Dizon Simpauco, agtawen iti tallopulo ket lima, taga-Mexico, Pampanga.
Iti pannaki-uman ti Bombo Radyo Vigan ken ni Police Captain Alden Isang, agpapa-amianan ti trak idin ta ti napaspas ti tarayna a motorsiklo nga adda iti bangir a linya ket nasagidna ti akin-kannigid a pilid iti sango ti trak.
Gapu dayta, nadunor ti drayber ken dagiti backrider ti motorsiklo a naipaagas iti ospital para iti pannakatamingna idinto a ti drayber ti trak ket saan a naan-ano.
Nakainom ti drayber ti motorsiklo idi napasamak ti aksidente.
