Nadunor dagiti nagkakalubbon iti motorsiklo iti aksidente a napasamak iti asideg ti rangtay ti Barangay Langlangca 2nd, Candon City.
Nabigbig ti nagmaneho iti Yamaha Mio motorcycle a ni Jobert Dungulan, taga-Barangay Mambug, Santiago.
Dagiti kinalubbonna ket ni Mark Canlas, agtawen iti duapulo ket tallo, taga-Barangay Apatot, San Esteban, ken ni Cherry Supnad, agtawen iti duapulo ket tallo, taga-Barangay Nalasin, Santiago.
Iti pannaki-uman ti Bombo Radyo Vigan ken ni PLT. Jovelyn Antalan iti Candon City Police Station, napaspas ti pataray ti drayber iti motorsiklo ket idi magteng ti nakapasamakn ti aksidente, nadungparda ti hazard marker a naimuntar sakbay iti paset ti nasao a rangtay.
Gapu dayta, saan a nakontrol ti drayber ti lugan, ken naitapwak dagiti dua a kinalubbonna iti sirok ti rangtay a ti kangatona ket sangapulo a kadapan.
Naipaagas dagitoy iti ospital para iti naan-anay a pannakatamingda.
Agpapada nga awan suot a helmet ken nakainom dagiti nagkakalubbon idi mapasamak ti aksidente.
