VIGAN CITY – Nagsagaba ti dunor ti nadumaduma a paset ti bagina ti tallo a menor de edad a naglugan ti maysa a kurong-kurong idiay Brgy. Poblacion Sur, Sta. Maria.
Minaneho ti agtawen sangapulo ket tallo a lalaki ti kurong-kurong kadduana ti dua pay a menor de edad nga agtawen ti sangapulo ket dua ken sangapulo ket uppat nga agpapada nga agnaed ti Brgy. Mambug, Burgos.
Basar ti report manipod ti Sta. Maria Municipal Police Station, daldalyasaten ti motorsiklo a minaneho ni Police Master Sergeant Hermres Timbreza Molina ti agpapaabagatan a direksyon ken agpapaamyanan met ti kurong kurong a nagluganan dagiti menor de edad ket kellaat a nagsikkoda a puon iti pannakaidungparna ti motorsiklo ti pulis.
Naregreg ti kanal ti driver nga agtawen ti sangapulo a nagsagaba ti dunor ti nadumaduma a paset ti bagina a naipaagas idiay Ilocos Sur District Hospital Narvacan.
