Natay ti maysa a drayber ti kurong-kurong iti pannakadungpar kenkuana ti motorsiklo iti provincial road ti Barangay Cabigbigaan, Sto. Domingo, Ilocos Sur.
Ti natay a drayber ket maysa a lalaki nga agtawen iti tallopulo ket innem, inluganna ti lalaki nga agtawen iti limapulo ket siam; maysa a babai nga agtawen iti pitopulo ket walo; ken tallo pay a menor de edad nga agpapada a taga-Barangay Mabalen, Batac City, Ilocos Sur.
Ti met motorsiklo ket minaneho ti maysa a lalaki nga agtawen iti duapulo ket lima, taga-Barangay Cabigbigaan.
Agpaabagatan ti kurong-kurong idin ta nadungpar daytoy ti napaspas ti patarayna a motorsiklo nga agpadaya.
Gapu dayta, nakaro a dunor iti ulo ti sinagrap ti drayber ti kurong-kurong a naitaray iti ospital ngem natay bayat ti pannakatamingna.
Nadunor met dagiti pasahero ti kurong-kurong ken uray ti drayber ti motorsiklo.
Agpada a nakainom dagiti drayber idi mapasamak ti aksidente.
