VIGAN CITY – Maysa ti pimmusay ken dua ti matamtaming idiay Ilocos Sur District Hospital Narvacan ta nakuryente idiay Brgy. Pantoc iti nasao nga ili.
Nabigbig ti pimmusay a ni Michael Del Castillo agtawen uppat a pulo, naasawaan line man ken agnaed ti Brgy. Bulag, Bantay ken matamtaming iti dua a kadduana a da Chales Aquino agtawen dua pulo ket maysa, line man ken Carlo Paa agtawne dua pulo ket maysa agpada nga agnaed ti Brgy. Paing, Bantay.
Basar ti report manipod Narvacan Municipal Police Station, igiganan dagiti tallo ti maysa a concrete pole ket aksidente a naisagidda daytoy ti high tension wire a puon ti pannakakuryenteda.
Naipan idiay Ilocos Sur District Hospital Narvacan dagiti biktima ngem naideklara a dead on arrival ni Michael Del Castillo babaen ti attending physicianna.
