--Ads--
Nakemmeg dagiti tallo a babbai gapu iti panagsusugalda idiay Ayusan Norte, Vigan City, Ilocos Sur.
Iti pannaki-uman ti Bombo Radyo Vigan ken ni PLt. Col. Reynaldo Mendoza Jr. nga officer-in-charge iti Vigan City Police Station, nakaawatda ti pakaammo mainaig iti panagtotong-its dagiti suspek isu a nagrespondeda a gappuanan ti pannakakemmegda.
Segun ken ni Mendoza, dagiti suspek ket dua a senior citizen ken maysa nga agtawen iti limapulo ket tallo nga agpapada nga agnaed iti nasao a lugar.
Naala kadakuada ti maysa a set iti baraha, maysa a monoblock a lamisaan, tallo a piraso ti monobloc chair ken pusta P1,700.
-- ADVERTISEMENT --
Iti agdama, dagiti suspek ket nakakustodiya kadagiti pannakabagi ti linteg ket maisagsaganan ti kaso a maipila kontra kadakuada.
