VIGAN CITY – Matamtaming ti agsina a pribado nga ospital ti nagkalubbon ti maysa a motorsiklo iti napasamak nga aksidente idiay Brgy. Pangada, Sta. Catalina.
Nabigbig dagiti nakalugan ti Blue Yamaha Aerox a da Roland Gemmo Gomez Dela Cruz agtawen tallo pulo ket lima agnaed ti San Manuel Pangasinan ken ti backriderna a ni Robin Pajinag Semilla agtawen ti tallo pulo agnaed ti Badio, Pinili, Ilocos Norte ken dagiti nakalugan ti Toyota Vios a da Anthony Gamboa Llandelar agtawen tlalo pulo ket walo agnaed ti Brgy. Namnama, Sinait ken iti kadduana a ni Richard Gallo Ferrer agnaed ti Brgy. 3, Vigan City.
Basar ti report manipod Sta. Catalina Municipal Police Station, agpalaud a direksyon ti Toyota Vios ken agpadaya a direksyon ti Yamaha Aerox agingga a makadanun da ti nakapasamakan ti aksidente ket nagdinnungparda.
Rumrummuar nga agpada a nakainom ti arak dagiti nakalugan ti Yamaha Aerox ken Toyoa Vios ken agpada a napaspas iti panagpatarayda kadagiti luganda ta awan iti pakakitaan nga adda iti nagpreno kadakuada.
Ti agdama agtultuloy iti imbestigasyon dagiti otoridad inaig iti nasao a pasamak ken adda iti kustodiyada ti PNP dagiti nakalugan ti Toyota Vios a da Lllandelar ken Ferrer.
