Imbilin ti Department of Health ti pannaka-activate ti surge capacity plan kadagiti ospital babaen ti panangimatona iti National Capital Region gapu iti umad ado a kaso ti leptospirosis.
Ti San Lazaro hospital ket nangituding a dagit air conditioned private roomsda ket pagbalinen a leptospirosis ward ken pinagbalinda nga ER extension dagiti kama iti compound iti hospitalda para kadagiti suspected cases
Segun ken ni San Lazaro Hospital Chief Medical Professional Staff Dr. David Suplico ti laeng parikot ket agkurangda ti doktor.
Kabayatanna, linuktan ti National Kidney and Transplant Institute ti baro a ward para kadagiti pasiente a leptospirosis.
Nagboluntario met dagiti nars manipud iti Bicol Medical Center ken Philippine Orthopedic Center a tumulong kadagiti pasiente.
Bimmaba ti bilang dagiti naadmit a pasiente gapu iti leptospirosis, ngem kinuna ti NKTI a saan pay a tiempo ti panagrelaks ta manamnama a ngumato pay ti bilang ti kaso ti nasao a sakit
