VIGAN CITY – Nawaswas ti kaso a naipila kontra kenni dati a Sta. Catalina Mayor Carlos R. Asuncion pakairamanan ti uppat a kadduana.
Basar ti desisyon ni Associate Justice Ricardo Rosario ti Supreme Court, saan a nagballaygi ti prosecution a paneknekan a guilty ni Asuncion ken uppat a kakadduana inaig ti panangidonar ti pakabuklan a uppat a gasut a ribo a pisos a livelihood projects iti municipal share ti tobacco excise tax collection.
Saan pay a napaneknekan ti prosecution a nangted ti pasuksok ni Asuncion kasukat ti utang nga naaprobaran ken awan ti ebidensya nga adda iti personal nga interestda iti nasao a transakyon.
Maipalagip nga idi tawen 2019 rimmuar iti desisyon iti Sandiganbayan 4th division a guilty ti walo a bilang iti kaso a graft ken uppat a bilang iti kaso a malversation kontra kenni dati a Mayor Asuncion.
