Impaganetget ni House Deputy Minority Leader ken Mamamayang Liberal party-list Rep. Leila de Lima a saan a dinalusan iti Korte Suprema ni Vice President Sara Duterte kadagiti pammabasol a nakalanad iti Articles of Impeachment.
Segun ken ni De Lima, nalawag a ti dinesisyonan ti Korte Suprema ket ti technicality iti proseso iti impeachment ken saan a dagiti alegasyon a nakalanad iti Articles of Impeachment.
Kinunana a maaramat dayta iti sumarsaruno a filing.
Imbasura ti Korte Suprema ti motion for reconsideration nga impila ti Kamara de Representantes ken napatibker iti immunan a desisyonna a saan a nasurot iti proseso.
Kabayatanna, kinuna ni House Committee on Good Government and Public Accountability Chairperson ken Manila Rep. Joel Chua a mabalin nga amyendaran ti Kamara ti Impeachment Rules tapno makasurot iti nagbalin a desisyon iti Korte Suprema.
