Impila ti special panel investigators manipud iti Office of the Ombudsman ti maysa a supplemental complaint no sadino inrekomendar da a pilaan ti agduduma a kaso a kriminal kontra da dati nga House Speaker Martin Romualdez, dati a Cong. Zaldy Co, ken dadduma pay nga indibidwal.
Daytoy ket adda pakainaiganna iti maipagarup nga ilegal a panagala ti mapatta-patta a P56 bilyon manipud kadagiti transaksion ti gobierno iti nagbaetan ti tawen 2022 ken 2025.
Daytoy ket babaen dagiti infrastructure ken flood control projects, basar iti 104 pages a supplemental complaint ti Ombudsman.
Naglaon ti supplemental complaint ti baro a naala a documentary ken testimonial evidence, pakairamanan ti maipagarup a cash delivery, affidavit dagiti testigo, ken corporate transaction.
