Impakaammo ni Executive Secretary Ralph Recto ti kari ti administrasion Marcos a patibkeren ti lokal a gobierno iti 2026 General Assembly ng League of Municipalities of the Philippines (LMP) idiay Pasay City.
Nakipasetan dagiti alkalde ken opisial ti ili ken siudad ti pasamak a napagpapatangan dagiti karit iti gobierno ken dagiti programa ti national government.
Nagyaman ti LMP iti panangidaulo ni National President Mayor Faustino “Inno” Dy V iti Local Government Support Fund (LGSF) a mangit-ited ti direkta a pondo kadagiti munisipalidad para iti imprastruktura, serbisio publiko ken dadduma pay a proyekto.
Segun iti 2026 General Appropriations Act, ngimmato ti P34.87 bilyon ti LGSF nga umabot iti pakabuklan a P57.87 bilyon, kadakkelan iti pakasaritaan.
Ti pondo ket paset iti gagem ti administrasion a papigsaen ti kapasidad ti lokal a gobierno ken pasayaaten ti serbisio kadagiti komunidad, kangrunaan kadagiti babassit a munisipiyo.
