Agtaltalinaed nga awan pay laeng ti suplay ti kuryente iti sumagmamano a paset iti probinsia iti Aurora kalpasan ti panagduprak ti Bagyo Nika.
Iti pannaki-uman ti Bombo Radyo Vigan ken ni Dexter Roncales manipod Barangay Diniog, Dilasag, Aurora, gapu iti natumba a kaykayo ken poste iti kuryente ket apektado ti suplay ti kuryente ken signal iti cellphone dagiti umili.
Segun ken ni Roncales, tapno maicharge dagiti cellphone a nalow bat ket in-convert da iti baterya ti silaw a banag a nagballigianda.
Saan laeng a poste ken kaykayo iti apektado ta karaman pay a nadadael iti court-da ken adda dagiti dadduma a pagtaengan a nadamage.
Nupay kasta ket siguradoenna a sakbay iti iduduprak ti bagyo Nika ket imbalakad dagiti barangay officials iti lugarda iti panagbakwit kadagiti lalayusen a lugar tapno saan a maisagmak bayat ti bagyo.
VIDEO – DEXTER RONCALES
