Mangiparuar iti show cause order ti Committee on Kontra Bigay ti Commission on Elections kadagiti dadduma a local candidates a tumaray ita a midterm elections.
Karaman ditoy da Bulacao, Oriental Mindoro Vice Mayoral Candidate Edna Villas, Bulalacao, Mayoral Candidate Ernillo Villas; Nueva Ecija Rep. Emeng Pascual ken Palawan 3rd District Congressional candidate Abraham Mitra.
Naserbian iti show cause order ni Mitra gapu iti panangitedda iti libre a ticket para iti block screening, idinto nga agpada a nangipaay iti sag dua ribo a pisos da Ernillo ken Edna Villas ti Bulalacao kadagiti agindeg iti nasao a barangay.
Naduktalan pay ti panangikari ni Pascual kadagiti botante iti tulong pinansial ken panagbayad iti medical expenses kadagiti dadduma nga indibidual kasukat ti suporta kenkuana inton eleksion.
