Imbilin ti Department of Justice (DOJ) iti pannakakali kadagiti sumagmamano a bangkay idiay Batangas a posible a naireport a napukaw idi.
Dayta ket iti baet ti agtultuloy a pannakasapul kadagiti missing sabungero a mapapati a naipan iti Taal Lake idiay Batangas, manon a tawen iti napalabas.
Segun ken ni Justice Secretary Crispin Remulla, addan ti kitkitaenda a lugar a posible a nakaipanan dagiti bangkay ngem saan a dagiti napukaw a sabungero.
Kinuna ti secretary nga idi 2020, adda tallo a bangkay nga intabonen dagiti polis ta awan ti pamilia a nangala kadakuada.
Numan pay nakatutokda ti kaso a pannakapukaw dagiti sabungero ket saanda a mabalin nga yaleng aleng iti dadduma pay a nadiskubre ken nu adda pakainaiganna iti war on drugs idi napalabas nga administrasyon.
