Dead on arrival ti maysa a suldado a nagmaneho iti motorsiklo gapu iti pannaka-aksidentena iti provincial road idiay Barangay Cuancabal, Cabugao, Ilocos Sur.
Nabigbig ti suldado a ni PFC Frelyn Sunio Valencia, agtawen iti duapulo ket siam, kameng ti Philippine Army ken naidestino iti Camp Tecson Military Base, San Miguel, Bulacan, minanehona ti black Suzuki Raider ken adda backride-na a menor de edad, grade 9 student, agpadada a taga-Barangay Arnap, Cabugao.
Agpapadaya ti motorsiklo ket idi magtengda ti kurbada a paset ti kalsada, naawanan ti kontrol ti drayber iti motorsiklona ket naitinnag iti kalsada.
Nakaro a dunor ti sinagrap dagiti dua nga agpada a naitaray iti ospital ngem saan a nakalasat ti drayber idinto a matamtaming pay laeng ti backride.
