Umabot iti sangapulo ket lima ti natay ken nasurok tallopulo ti nadunor gapu iti suicide bombing idiay Pakistan.
Napasamak ti insidente iti asideg ti political rally ti Balochistan National Party idiay Quetta stadium a masarakan iti Balochistan province.
Maitudtudo nga adda iti likudan ti pasamak ti Islamic State militanty group.
Ti Balochistan ket masarakan iti border ti Afghanistan ken Iran ken isu pay ti kadakkelan ken karirigatan a rehion.
Segun ken ni Balochistan health minister Bakht Muhammad Kakar, saanen a nakaasideg iti political rally ti suicide bomber gapu iti nainget a pannakaipatungpal ti seguridad iti lugar.
Kinondenar met ni Pakistan Prime Minister Shehbaz Sharif ti pasamak ta saanda nga anamongan ti panagraira dagiti terorista iti lugar.
