Street Level Individual, nakemmeg iti buy-bust operation

Maysa nga Street Level Individual ti nakemmeg iti naiwayat a buy-bust operation iti ili ti San Juan, Ilocos Sur.

Ti suspek ket maysa a lalaki, naaktuan a nagilako iti maysa a bassit a transparent plastic sachet a naglaon iti mapapati a shabu iti nagpammarang a poseur buyer.

Dagiti nakumpiskar kenkuana ket pakairamanan ti 5 a piraso ti plastic sachet a naglaon iti mapapati a shabu a nagserbi kas buy-bust ken drug possession.

Agdagsen daytoy iti nasurok-kumurang 1.812 grams ken aggatad iti P12,321.60.

Dagiti non-drug evidence ket pakairamanan ti buy-bust money, lighter, puspuro, belt bag, driver’s license, cellphone ken motorsiklo.