VIGAN CITY – Nakemmeg ti maysa a street level individual iti buy-bust operation idiay Barangay Bagong Bario, Sta. Maria, Ilocos Sur.
Ti suspek ket agtawen iti duapulo ket lima, buko juice vendor, taga-Barangay Pacang, Sta. Maria ngem agnanaed idiay Sitio Bagong Bario, Barangay Poblacion Sur, Sta. Maria.
Naala manipud iti suspek ti nasurok kumurang 2.6 a gramo ti shabu nga aggatad iti PHP17.680 a naipalaon iti maysa a piraso ti medium heat-sealed transparent plastic a nagserbi a buy-bust item.
Dagiti non drug evidence a naala ket pakairamanan ti coin purse, dua a genuine one thousand peso bill, walo a piraso ti one thousand boodle money, maysa a piraso ti one thousand peso bill, maysa a piraso ti genuine a five hundred peso bill, maysa a piraso ti genuine fifty peso bill, maysa a piraso ti genuine twenty peso bill, PHP27 a barya ken dua a lighter.
Sangwen ti suspek ti kaso a panaglabsing iti Republic Act 9165 wenno Comprehensive Dangerous Drugs Act of 2002.
